BENEDICTIO SANCTISSIMI SACRAMENTI

O Sacrum Convivium, in quo Christus sumitur, recolitur memoria passionis eius: mens impletur gratia, et futurae gloriae nobis pignus datur.

V. Panem de caelo praestitisti eis.
(T.P.: Aleluia)

R. Omne delectamentum in se habentem.
(T.P.: Aleluia)

V. Oremus pro Pontífice nostro, N.

R. Dóminus conservet eum, et vivíficet eum, et beatum faciat eum in terra, et non tradat eum in animam inimicorum eius.

V. Tu es Petrus.

R. Et super hanc Petram aedificabo Ecclesiam meam.

OREMUS: Deus, omnium fidelium pastor et rector, famulum tum N., quem pastorem Ecclesiae tuae praeesse voluisti, propitius respice; da ei, quaesumus, verbo et exemplo, quibus praeest, procifere: ut ad vitam, una cum grege sibi credito, perveniat sempiternam. Per Christum Dominum Nostrum.

R. Amen.

V. Oremus pro Episcopo nostro N.

R. Stet et pascat in fortitúdine tua, Domine, in sublimitate nominis Tui.

V. Tu es sacerdos in aeternum.

R. Secundum ordine Melchisedech.

OREMUS: Deus, qui populis tui indulgentia consulis et amore dominaris: Episcopo nostro N., cui dedisti regimen disciplinae, da Spiritum Sapientiae, ut de profectu sanctarum ovium, fiant gaudia aeterna pastoris. Per Christum Dominum nostrum. Amen.

Tantum ergo sacramentum

Veneremur cernui

Et antiquum documentum

Novo cedat ritui

Praestet fides suplementum

Sensuum defectui

Genitori, genitoque

Laus et jubilatio

Salus, honor, virtus quoque

Sit et benedictio

Procedenti ab utroque

Compar sit laudatio. Amen.

V. Panem de caelo praestitisti eis ]
(T.P.: Aleluia)

R. Omne delectamentum in se habentem.
(T.P.: Aleluia)

OREMUS: Deus, qui nobis sub Sacramento mirabili Passionis tuae memoriam reliquisti; tribue quaesumus: ita nos Córporis et Sánguinis tui sacra mysteria venerari, ut redemptionis tuae fructum in nobis iugiter sentiamus. Qui vivis et regnas in saecula saeculorum. Amen.

Benedictus Deus.

Benedictum Nomen Sanctum eius.

Benedictus Jesus Christus, verus Deus et verus homo.

Benedictum Nomen Jesu.

Benedictum Cor eius sacratissimum.

Benedictus Sanguis eius pretiosissimus.

Benedictus Jesus in sanctissimo altaris Sacramento.

Benedictus Sanctus Spiritus, Paraclitus.

Benedicta excelsa Mater Dei, Maria sanctissima.

Benedicta sancta eius et immaculata Conceptio.

Benedicta eius gloriosa Assumptio.

Benedictum nomen Mariae, Virginis et Matris.

Benedictus sanctus Ioseph, eius castissimus Sponsus.

Benedictus Deus in Angelis suis, et in Sanctis suis.

Pater; Ave; Gloria